Sopasarap!

Kay lamig pag umuulan. Sa ganitong panahon napapaisip ako kung ano ang masarap lutuin na may sabaw. Sopas ang unang pumasok sa aking isipan, mainit na sabaw na siyang papawi ng ginaw ng aking katawan. Isang sopas na kakaiba sa dati na nating nakagawian, tinawag ko itong SOPASARAP. Ang mga sangkap na aking SOPASARAP ay Spam Lite (aking nakita sa aming cabinet) broccoli, spinach at button mushrooms (na aking binili sa supermarket), konting pepper at asin pampalasa. Talaga namang kakaibang lakas ang dulot ng aking sopas hhhmmmm....

Read more...

Chicken Gumbo Soup

Alas siyete ng gabi ng kami ay nanuod ng TINES (isa itong parada ng mga karosa, kung saan ay pinapakilala ang mga ibat-ibang character sa Bibliya. Ang inaabangan ang panunuluyan ni Maria at Jose, kung saan ay naghahanap sila ng lugar na matutuluyan.) At siyempre, hindi pahuhuli ang karosa ni Eva at Adan, na siya namang dinudumog ng mga tao dahil sa kanila kasuotan. Ngayon taon na ito ay kagulat-gulat ang aking makita. Hindi ko sinasadyang makitang walang saplot ang puwit ni Adan ( kaya pala lalong pingakaguluhan).

Kanya-kanyang gimik ang mga barangay, pagandahan ng mga karosa, kasama na dito ang mga nag gagandahang mga kababaihan at kalalakihan na siyang nakatayo sa karosa. Ang mga tao ay nagkakagulo at nag uunahang makakuha ng litrato ng bawat karosa. Bawat barangay ay may kani-kaniyang bandang tumutugtog, makulay ang kanilang kasuotan, at talaga namang pinaghandaan. Bukod sa mga naglalakihang karosa ay may mga kabataan ding pumaparada, mga kasuotan nila ay nakikinangan. Ang iba ay mga mga dalang kagamitan katulad na tungkod sa pagpapastol, basket naman para sa mga kababaihan. Nakigulo din ako sa pagkuha ng mga litrato ng bawat karosa :)

Nag-umpisa ng umambon ng matapos naming mapanuod ang parada, binuksan ng iba ang kanilang payong, ang iba naman ay hindi ininda ang patak ng ulan. Sa mga ganitong pagkakataon, kay sarap humigop ng mainit na sabaw, upang pawiin ang lamig na nararamdaman.

Tamang-tama ang aking nilutong Chicken Gumbo Soup, sabaw na may red at green bell pepper, chicken flakes, herbs, celery at okra. Maanghang-anghang ang kanyang lasa, kaya't lalong napawi ang ginaw na aking nararamdaman. Marami akong niluto kaya namahagi ako sa aking mga kamag anak, na sya nilang pinagsaluhan sa hapunan.

photo credit, soonerjh

Read more...

Kay Sarap ng Hot Chocolate!

Kapag umuulan, malamig ang simoy ng hangin. Ito ang panahon kung saan kay sarap uminom ng hot chocolate, ito ang pumapawi sa ginaw ng aking katawan. Nakapagdudulot ito ng kakaibang pakiramdam, ang aroma ng hot chocolate ang siyang gumigising sa aking natutulog na diwa dahil sa malamig na kapaligiran. Ang tamis ng hot chocolate ay talagang kaaya-aya sa aking panlasa.

photo credit, SallyBayRye

Read more...